Charta qua Wigo, Lambertus, Berardus et Willelmus, fratres, vendunt monasterio Cluniacensi capellam sancti Petri in villa Molinis.
In nomine Dei summi. Nos fratres germani donamus ad locum Cluniacum capellam in honore beati Petri, in pago Augustidunensi, in villa Molinis. Donamus autem capellam hanc Sancto Petro ego Wigo ac Lanbertus, Berardus ac Willelmus, fratres, ut omni tempore monachi teneant; et accepimus ab eis precium triginta solidorum. S. Wigonis, Lanberti, Willelmi, Berardi, Wilenci, Wichardi, Fulgerii, Grimerii, Anscherici, Berardi, Gondoyni. Actum Cluniaci, regnante Hugone anno IIII.